Boy smoking like pro

થોડા વખત પહેલા દિવ્ય ભાસ્કરમાં એક સમાચાર વાંચ્યા હતા જેમાં લખ્યું હતું કે ઇન્ડોનેશિયામાં કોઇ 2 વર્ષનો બાળક દિવસમાં 40 સિગારેટ ફૂંકે છે. દિવ્ય ભાસ્કરના સમાચાર પર તરત ભરોસો કરવો એ મારા માટે મૂશ્કેલ છે એટલે મને એમ લાગ્યું કે દિવ્ય ભાસ્કરે ફરી કોઇ ચલાવી લાગે છે. આ વિશે મેં ટ્વીટર પર એક મેસેજ પણ મૂક્યો હતો : " Isn’t this difficult to believe? http://bit.ly/cDsrnt"

ત્યારબાદ હમણાં STOMP પર આ વિશેનો વિડીયો પણ જોયો. વિડીયોમાં આ નાનકડો છોકરો એકદમ પુખ્તવયની વ્યક્તિની જેમ સિગારેટ ફૂંકે છે અને ધૂમાડાની રિંગો બનાવે છે. વિડીયો જોયા બાદ પણ સાચા ખોટા વિશે ટિપ્પણી કરવી મૂશ્કેલ છે. પણ જો આ સાચું હોય તો ભગવાન આ છોકરાને અને એના મા બાપ અથવા વાલીઓને સદ્દ્બુધ્ધિ આપે.

Advertisements

આને કહેવાય ખબર

આજે દિવ્ય ભાસ્કરમાં "હોલીવૂડ” વિભાગમાં નીચેની ખબર છે.

જાહેરમાં વા છૂટ થતાં જેસિકા ક્ષોભમાં મુકાઈ

મને ખબર વાંચીને હસવું તો આવ્યું જ સાથે સાથે આપણા કથળતા જતા મિડીયાના સ્તર પર દયા પણ આવી. શું ખબર એક સમય કદાચ એવો પણ આવે કે જ્યારે આવી ખબરો હેડલાઇન તરીકે છપાશે.

શું આ શક્ય છે?

આજે દિવ્યભાસ્કરમાંસમાચાર વાંચ્યા. એમાં લખે છે કે રસ્તા પર દૂધ વેચતા માજી આવકવેરો ભરે છે. મને આ સમાચાર વાંચીને બે વિચાર આવ્યા.

1> શું રસ્તા પર દૂધ વેચીને એટલા રૂપિયા કમાવવા શક્ય છે કે જેથી આવકવેરો ભરવો પડે? આ સમાચારમાં જણાવ્યા મુજબ માજી રોજની 400 – 500 થેલીઓ દૂધની વેચે છે. હવે માની લો કે દરેક થેલી પર માજી 50 પૈસા જેટલો તગડો નફો (તગડો એટલા માટે કે મારી માહિતી મુજબ એક થેલી પર નફો 20-30 પૈસાથી વધારે નથી હોતો) લેતા હોય તો પણ મહિને નફો કે જે કરપાત્ર બને તે (500 * 0.5 * 30 ) 7500 રૂપિયાથી વધારે ના થાય. ચલો માજીની ઘરાકી એકદમ સારી ચાલતી હોય તો પણ 10000 રૂપિયાથી વધુ તો ચોખ્ખો નફો ના જ થતો હોવો જોઇએ (અને જો સવારના 2-3 કલાક આપીને 10000 રૂપિયા નફો થતો હોય મહિને તો આ ધંધામાં ઝંપલાવવા જેવું ખરું). વળી માજી રહ્યા સિનીયર સિટીઝન અને એ પણ મહિલા એટલે એમને લગભગ 2.25 લાખ સુધી તો કોઇ આવકવેરો ના ભરવાનો હોય. એટલે ખાલી જો માજી દૂધ વેચતા હોય તો તેમની આવક કરપાત્ર બની જ ના શકે.

2> બીજો વિચાર એ આવ્યો કે જો માજી પોતાની બીજી આવકોને પણ સાચી રીતે જણાવીને આવકવેરો ભરતા હોય તો मा तूझे सलाम  કારણ કે આજે કોને આવકવેરો ભરવો ગમે છ? દરેક જણ (એમાં હું પણ આવી ગયો) કર ના ભરવાના રસ્તા જ ગોતતા હોય છે ને.

એ પણ વિચાર આવ્યો કે દિવ્ય ભાસ્કરવાળા ખાલી ટોમ ટોમ કરે છે અને માજીને રાતો રાત હીટ બનાવી દીધા. 🙂

%d bloggers like this: