મારા વિશે

મારા વિશે શું લખું? My Self નો નિબંધ તો ના લખાય પણ ચલો ટૂંકમાં લખી નાંખું છું.

નામ મારુ કૃણાલ ચાવડા. મેં અત્યાર સુધીમાં 32 દિવાળી જોઇ છે. આમ તો અમદાવાદી છું પણ મુંબઇ પ્રત્યે પણ મને અપાર પ્રેમ છે. હાલમાં સિંગાપોરમાં કાર્યરત છું છેલ્લા 3.5 વર્ષથી. અત્યારે તો સોફ્ટવેર એન્જીનીયર તરીકે રોજી રોટી કમાઇ રહ્યો છું પણ ધંધો કરવાના અભરખા બહુ છે મને કારણ કે મને લાગે છે કે આખી જીંદગી મારાથી નોકરી નહીં થઇ શકે. પરિવારમાં wify અને ટાઉ (રુહી) છે હાલમાં તો.

આ બ્લોગ મારા વિચારોની અભિવ્યક્તિ છે. સાથે સાથે મારા જીવનની અંતરંગ ઘટનાઓને પણ શબ્દોનું સ્વરૂપ આપું છું. સમય જતા બ્લોગ પર મૂકેલી પોસ્ટ મારા માટે યાદોનો ખજાનો બની જશે અને કોને ખબર રુહી પણ મોટી થઇને પોતાના “પા”ના વિચારો વાંચશે.

આ બ્લોગ પર હું મોટા ભાગે ગુજરાતી એટલે કે માતૃભાષામાં જ લખવાનો પ્રયત્ન કરું છું પણ કોઇ વાર વિષય વસ્તુ કે મૂડને આધારીત હિન્દી કે અંગ્રેજીમાં પણ ઠપકારું છું.