માઇક્રોસોફ્ટ ટૂંક સમયમાં પોતાની નવી ઓપરેટિંગ સિસ્ટમ વિન્ડોઝ 8 રિલીઝ કરશે. જે લોકોએ આ ઓપરેટિંગ સિસ્ટમનો પ્રિવ્યુ જોયો હશે એમને ખ્યાલ હશે કે આ નવી ઓપરેટિંગ સિસ્ટમ હટ કે છે અને હવે કોમ્પ્યુટીંગ ડેસ્કટોપ કોમ્પ્યુટરથી ટેબ્લેટ કોમ્પ્યુટર તરફ આગળ વધી રહ્યું છે. આ નવી ઓપરેટિંગ સિસ્ટમ સામાન્ય ડેસ્કટોપ પર ચાલશે તો ખરી પણ એની બધી સુવિધાઓનો ખરા અર્થમાં ઉપયોગ કરવા માટે ટેબ્લેટ કોમ્પ્યુટરનો ઉપયોગ કરવો જ રહ્યો. વિન્ડોઝ 8 ઓપરેટિંગ સિસ્ટમને અનુરૂપ નોટબુક બનાવવાની હવે હોડ લાગી છે. આ વિશેનો એક લેખ ઇન્ફોસીસના બ્લોગ પર અહીં વાંચ્યો. એમાં અલગ અલગ કંપનીઓ કઇ રીતે વિન્ડોઝ 8 ના અનુરૂપ નોટબુક બનાવી રહ્યા છે એનો ઉલ્લેખ છે. એમાં મને લીનોવોનું IdeaPad Yoga ગમ્યું. નીચે અમુક ફોટા મૂક્યા છે.
વધૂ સારા ફોટા અહીં છે.
લાગે છે કે આ વર્ષના અંત સુધીમાં આ પ્રકારનું કોઇ ટેબ્લેટ રમકડું લઇ લેવું પડશે. લીનોવોનું આ રમકડું 1200 યુએસ ડોલરનું (એટલે કે લગભગ 60000 ભારતીય રૂપિયા) છે અને જુન 2012 સુધીમાં માર્કેટમાં આવવાની શક્યતા છે. લીનોવોના કોમ્પ્યુટર Lookwise જોવા જઇએ તો કાયમ સેક્સી જ હોય છે અને આ નોટબુક પણ એમાં અપવાદ નથી. લીનોવો કોમ્પ્યુટરની ગુણવત્તાથી મને 100% સંતોષ નથી અને મોંઘા પણ છે તેમ છતાં એના સારા લુકના કારણે કાયમ લીનોવોના જ કોમ્પ્યુટર ઘરમાં આવ્યા છે.
જો આ રમકડું થોડું હલકું હોય તો iPadની જેમ પણ ઉપયોગ કરી શકાય. ખાલી ફરક iTunes અને windows marketplace વચ્ચેનો રહે અને આ ફરકના લીધે જ iPad જંગ જીતી જાય. ઘણી વખત એવો વિચાર આવ્યો છે કે iPad લઇ લઉં પણ પછી એમ થાય કે શું જરૂર છે? થોડો આંગળીઓ અને આંખોને પણ આરામ આપવો જરૂરી છે. 
જોઇએ વિન્ડોઝ 8 રિલીઝ થતા સુધીમાં બીજા ક્યા વિકલ્પો બજારમાં આવે છે.
Image Courtesy :
http://www.gizmag.com/lenovo-ideapad-yoga-13/21073/pictures
Like this:
Filed under: રોજનીશી Tagged: | ઇન્ફોસીસ, ઓપરેટિંગ સિસ્ટમ, ટેબ્લેટ કોમ્પ્યુટર, લીનોવો, વિન્ડોઝ 8
http://linux.slashdot.org/story/12/01/14/0236244/microsoft-taking-aggressive-steps-against-linux-on-arm
વાંચવા જેવું છે.
(સ્લેશડોટને રીડર લિસ્ટમાં ઉમેરી દેજો. તેના આર્ટિકલ સારા હોય છે. જોકે હું તો તેમા આવતી કોમેન્ટ્સને કારણે વાંચુ છું
)
નામ સરસ રાખ્યુ છે: IdeaPad Yoga…