Volunteering @RC

સિંગાપોરમાં દરેક ડિસ્ટ્રીક્ટ નાના નાના region માં વહેંચાયેલો છે અને આ region નો વહીવટ RC i.e. Regional Centre દ્વારા થતો હોય છે. RC સમયાંતરે નાના મોટા કોમ્યુનિટી પ્રોગ્રામ કરતી હોય છે. આ પ્રોગ્રામમાં કોમ્યુનિટીના લોકોને નજીક લાવવાનો પ્રયત્ન કરાય છે અને લોકો એકબીજાને જાણે એવો પ્રયત્ન કરવામાં આવે છે. આ પ્રોગ્રામોમાં વ્યવસ્થા કરવા માટે volunteer એટલે કે સ્વયંસેવકની જરૂર પડતી હોય છે. આથી આજે મેં Tampines Zone 4 RC માં volunteer તરીકે મારું નામ નોંધાવ્યું. દર વખતે આપણે કાર્યક્રમોમાં વ્યવસ્થા આવી છે તેવી છે એવી વાતો કરતા હોઇએ છીએ એટલે થયું કે ચાલો આપણે જાતે જ કામ કરીએ અને અનૂભવીએ કે સેવા કરવી કેટલી કઠીન છે. હું કાયમથી એવું વિચારતો આવ્યું છે કે One should pay back to community એટલે પછી આ volunteering નો વિચાર અમલમાં મૂક્યો. જોઇએ કેવો અનૂભવ રહે છે. આમ પણ બ્લોગ પર વણ માંગી સલાહો બહુ આપી અને વાતોના વડા બહુ કર્યા એટલે લાગ્યું કે હવે કંઇક નક્કર કરીએ. આ પગલા પાછળ B+ પોસ્ટમાં વર્ણવેલી મનોસ્થિતિ પણ જવાબદાર છે.

જોઇએ હવે ક્યારે શું કામ કરવાનો અવસર આપે છે RC…….

Good luck KC

Histrory repeats in itself

શેરબજારમાં છેલ્લું એક વર્ષ ખૂબ ખરાબ રહ્યું. આ વર્ષ દરમ્યાન કમાયેલી ખોટ ખબર નહીં ક્યારે ભરપાઇ થશે. ખરાબ માર્કેટના લીધે શેરબજારમાંથી રૂપિયા કમાવાના રાખેલા ટાર્ગેટ અધૂરા રહી ગયા (જેટલો નફો કરવાનો ટાર્ગેટ રાખ્યો હતો એટલી ખોટમાં આવી ગઇ પાર્ટી ) IPO માર્કેટ જેમાંથી સૌથી વધૂ નફો આવતો હતો એ દુકાન તો સાવ બંધ જ થઇ ગઇ. પણ હવે માર્કેટની સ્થિતિ સુધરી રહી છે અને IPO માર્કેટ પણ હવે પાટે આવતું જાય છે. હાલમાં નવા ઇસ્યુ આવી રહ્યા છે અને એટલે "दु:ख भरे दिन बीते रे भैया, सुख के दिन आयो रे" એવું કહી શકાય.

હવેના પંદર દિવસમાં બે block buster પ્બલિક ઇસ્યુ આવી રહ્યા છે.

1. અદાણી ગ્રુપનો “Adani Power Ltd.”

2. સરકારી એકમ "NHPC" (National Hydroelectric Power corportion)

આ બન્ને કંપનીઓ પાવર જનરેશનના ક્ષેત્રમાં છે અને બન્ને મેગા ઇસ્યુ છે. બન્ને ઇસ્યુ માટે માર્કેટમાં સારી હવા જામી છે અને મોટા ભાગના લોકો આ બે ઇસ્યુમાં પૈસા રોકવાના છે. આ કારણે આ બે ઇસ્યુ પછી લિક્વીડીટી માર્કેટમાં ઓછી રહેવાની.

મને અત્યારનો માહોલ જોઇને રિલાયન્સ પાવરના ઇસ્યુ વખતનો જે માહોલ હતો એ યાદ આવી ગયો. રિલાયન્સ પાવરના ઇસ્યુ વખતે મેં એક પોસ્ટ લખી હતી. અનિલ ભાઇએ પોતાના માર્કેટિંગના દમ પર દરેક ઐરા ગૈરા નથ્થુ ખૈરાને બજારમાં આવવા લલચાવી દીધા. બધાએ પૈસા રોક્યા પણ ખરા અને લિસ્ટીંગના દિવસે બધાં રોયા. ઘણાં લોકોના પૈસા હજુ સુધી રીકવર નથી થયા. મારા ડીમેટ એકાઉન્ટમાં હજી પણ 25 પડ્યા છે રિલાયન્સ પાવર. હવે 2012 – 2015 સુધી રાહ જોયા વગર છૂટકો નથી.

અત્યારે રિલાયન્સ પાવરની જેમ જ અદાણીવાળા એમના પબ્લિક ઇસ્યુનું પરફેક્ટ માર્કેટીંગ કરી રહ્યા છે. એન્કર ઇન્વેસ્ટરો દ્વારા લેવાયેલા હિસ્સાની વાત હાઇલાઇટ કરાય છે. કંપની પાસેના પાવર જનરેશનના પ્રોજેક્ટની જોર શોરથી જાહેરાત કરાય છે અને ગ્રાન્ડ પિક્ચર બતાવવામાં આવે છે. આ બધું જોઇને મને મનમાં થોડી આશંકા જાય છે કે ફરીથી માર્કેટની એવી હાલત તો નહીં થાયને જેવી રિલાયન્સ પાવરના ઇસ્યુ પછી થઇ હતી. રિલાયન્સ ઇસ્યુ પછી માર્કેટમાં લિક્વીડીટીનો બહુ પ્રોબ્લેમ થઇ ગયો હતો. રીટેઇલ રોકાણકારો પાસે પૈસા નહોતા અને FII અને ઇન્સ્ટીટ્યુટ ઇન્વેસ્ટરોએ કેશ ફ્લો મેઇન્ટેઇન કરવા ધૂમ વેચાણ કર્યું અને માર્કેટ એકદમ બેસી ગયું. કહેવાય છે કે “History repeats in itself”. મને ડર લાગે છે કે માર્કેટ ફરીથી ના બેસી જાય કારણ કે અદાણી અને NHPC બન્ને ખૂબ મોટી રકમના ઇસ્યુ છે.

અદાણી ગ્રુપનો પહેલા મુન્દ્રા પોર્ટનો ઇસ્યુ આવેલો એમાં લોકોએ સારા એવા રૂપિયા બનાવેલા. મેં તો લિસ્ટીંગના દિવસે જ રૂપિયા ડબલ કરી નાંખ્યા હતા. એના લિસ્ટીંગ વખતે હું ઇન્ડિયા આવેલો હતો અને મુન્દ્રામાંથી કમાયેલા રૂપિયામાંથી બધા ફરી આવ્યા અઠવાડિયા માટે. આ વખતે અદાણી ગ્રુપ મારા પૈસા ડબલ ના કરે તો કઇ નહીં પણ લિસ્ટીંગના દિવસે ફાયદો કરાવે તો પણ ઘણું.

શું કરીએ નફો થાય કે ખોટ થાય પણ બજારનો મોહ છૂટતો નથી. गंदा है पर धंधा है ये….

અદાણી ગ્રુપ અને NHPC નો લોગો બન્ને ગ્રુપની વેબસાઇટ પરથી લીધેલ છે.